[hbkhhh]

انا هخش فى الموضوع على طول

انا كنت ملتزم ومن اسرة محافظة فى الاول ولكن اثناء دخولى الانترنت و دخلت فى بحور حوار الاديان ومن زمن حوالى 8 سنين وانا ملحد
لا اعبد ربنا و عندى شك فى وجوده
وسبب دخولى هنا الاتى

انا قمت بعلاقات محرومة كتيرة معا ستات متجوزة وغير متجوزة ومكنش عندى اى مشكلة خالص ولكن دلوقتى اول مره فى حياتى احب وحده وهى مرات واحد صحبى ومش عارف اعمل ايه بحبها ومقدرش استغنا عنها وهى بتحبنى ولكن انا ضميرى وجعنى من هذه العلاقة لانها كمان عندها اطفال انا كنت داخل الموضوع نزوة وبعد كده حبيتها جامد ومش قادر استغنى عنها ولكن عشان صحبى مش عارف حاسس انى انسان ندل ومعدوم الضمير وهذه الصفات مكنتش فيا قبل كده انا سبب علاقتى المحرمه انى عارف انى مليش مستقبل ينفع افتح بيه بيت لانى شغلتى يدوب بتكفينى مينفعش احوش منها
المهم فى واحد صحبى عارف الموضوع قال ليه روح صلى فى الجامع ربنا الوحيد اللى هيحل ليك المشكلة ولكن للاسف انا مش بؤمن بربنا اصلا
ارجوكم عايز ارجع لربنا عايز اتوب عن كل سيئاتى كلها ومش عارف كل لما اجى اصلى عقلى يقول ليه هو فى ربنا اصلا لو فى ربنا ادعية كده فى اى مشكلة وشوف هيعمل ليك ايه وكمان بقول لنفسى لو صليت ومنعت نفسى عن كل شىء انا بعمله دلوقتى وطلع كل ده ومفيش حاجة اسمها ربنا اعمل ايه

انا اخوكم الصغير عايز منكم حاجتين

اول حاجة اعمل اية فى مشكلتى مع مرات صحبى وللعلم انا بحبها جدا ازاى اصبر نفسى عن حبها
وانا عارف اصلا انا صعب جدا اتجوز لانى حالى وحش مينفعش اجيب شقة ولا حتى اوضه اتجوز فيها

وتانى حاجة واهم حاجة انا عايز ارجع لربنا بس عندى شك انه موجود

ارجوكم خليكم معايا لانى تعبان نفسيا جدا وعايز اصلح كل حاجة وعايز ابدء صلاة على اقتناع عشان احارب كل شىء وامتنع على كل شىء