[ايسر]

السلام عليكم ورحمة الله
انا عضو جديد .. واول مرة ادخل منتدى بيتكلم في الدين ..
واتمنى الاقي اجابة على سؤال محيرني من سنين ..
اولا .. احب اقول ان ربنا موجود والادلة كتير
ثانيا .. الاسلام غالبا هو الدين الصحيح مقارنة بباقي الاديان ..
السؤال اللي حيرني هو ..
انا فكرت ووصلت ان ربنا موجود والاسلام هو ااحق .. واللي انا متاكد منه ان المسيحي او اليهودي مقتنع ان هو الصح ..
ممكن يكون فكر وتوصل لديانة غير الاسلام .. وممكن يكون مفكرش اصلا
في كلا الحالتين هو اما انسان غبي او مهمل او مكبر دماغه ..
لكن المفاجاة .. انك تلاقي عقوبة غباءه او اهماله في البحث .. عقوبته الخلود في النار !!!
ياااااااااه .. عقوبة ضخمة جدا لغلطة قد تكون غير مقصودة ..
وعشان اقرب سؤالي اكتر .. تخيل لو انت مسلم ومتاكد ان دينك صح .. وفوجئت يوم القيامة ان اليهودية هي الديانة الصح .. واسمك في كشوف العذاب الابدي. ... تخيل الموقف دة ؟؟؟ هو دة الموقف اللي هيتعرض ليه المسيحي او البهودي وغيرهم كتير ..
دة اول تساؤل ليا .. واتمنى رد يشقلب دماغي .. لاني وصلت لقناعة ان السؤال دة مااهوش اجابة غير "لان ربنا عايز كدة "
وسكرا